Шпанското село Салто де Кастро кое зафаќа површина од 6.000 квадратни метри, има 44 куќи, кафеана, црква, училиште, дури и гостилница и нема ниту еден жител се продава за 560.000 евра.
Селото го продава градежниот бизнисмен Оскар Торес од Толедо, кој лани го купи за 300.000 евра и реновира некои објекти во него.
Салто де Кастро се наоѓа во провинцијата Замора, помеѓу ретко населениот регион Кастилја и Леон, блиску до шпанско-португалската граница. Од најисточната точка на Португалија е оддалечен само 100 метри.
Селото било изградено во 1940 година од компанија која градела брана и било наменето за сместување на работниците кои ја граделе. Луѓето го напуштиле селото во 1989 година, а куќите останаа празни. Никој повеќе од 30 години не се вселил и не ги користел. Се состои од 44 куќи, меана, црква, училиште, базен, спортски центар и поранешна полициска станица. Всушност има сè што би очекувале во стандардно шпанско село. Единствено што му недостига се жителите.
Хидрокомпанијата потоа во 2000 година го продала селото на семејство кое имало намера да го претвори во туристичко место. Меѓутоа поради кризата од 2008 година, семејството се откажа од намерата и го стави на продажба.
Според студија направена од поранешните сопственици, инвестицијата што е потребна селото да почне да функционира и да почне да биде профитабилно би изнесувала околу 2 милиони евра.
