Ова е отец Сантијаго, аргентински свештеник кој штотуку стана светски хит благодарение на неговите вирални видеа на ТикТок.
Откако една девојка го снимаше на миса пред една недела, бројни светски портали пишуваа за Аргентинецот, а некои во насловите, како Хералд де Мексико, отидоа дури дотаму што отец Сантијаго го нарекоа најубавиот свештеник на светот.
Дали е тоа така, можеме да ви кажеме дека споменатото видео на ТикТок досега има собрано над шест милиони прегледи, а во коментарите под видеото има смели пораки од жени кои се опиени од неговата убавина.
„Девојки, поради овие изјави ќе изгориме во пеколот“, се пошегува една од тиктокерите на сметка на сите провокативни коментари.
Аргентинскиот свештеник вообичаено служи во Перу, во градот Ика, односно во светилиштето наречено Сантуарио дел Сењор де Лурен, чии активности на Фејсбук ги следат околу 30 илјади корисници.
