За време на гранатирањето на Газа и Либан, Израел користеше и бел фосфор, со кој го прекрши меѓународното право.
Организацијата за човекови права Хјуман рајтс воч (ХРВ) во четвртокот го обвини Израел дека користи муниција од бел фосфор во неговите воени операции во Газа и Либан. Таа предупреди дека употребата на бел фосфор во густо населените цивилни области го прекршува меѓународното право. Израел се уште не коментирал за употребата на овој вид муниција.
„Употребата на бел фосфор во Газа, една од најгусто населените области во светот, го зголемува ризикот за цивилите и го прекршува меѓународното хуманитарно право. Секогаш кога белиот фосфор се користи во густо населени цивилни области, тој може да предизвика сериозни изгореници и доживотно страдање“, предупреди директорот на ХРВ за Блискиот Исток и Северна Африка, Лама Факих.
Таа објасни дека белиот фосфор лесно може да се користи како запаливо оружје, бидејќи се запали кога е изложен на кислород. Хемиската реакција всушност произведува топлина од околу 815 степени Целзиусови, лесен и силен бел чад, пренесува германската агенција dpa.
Невладината организација Амнести интернешенел ги провери наводите за бел фосфор и напиша дека единиците на израелската армија кои ја напаѓаат Газа се опремени со ова опасно оружје.
ХРВ: Израел треба да престане да користи бел фосфор
„За да избегне цивилна штета, Израел треба да престане да користи бел фосфор во населените области. Страните вклучени во конфликтот треба да направат се што е во нивна моќ за да ги поштедат цивилите од дополнителното страдање“, додаде Факих.Израелската армија се подготвува за копнена офанзива во областа Газа, снабдувајќи ја областа со вода, храна, струја, гориво и хуманитарна помош, условувајќи ја со ослободување на заложниците кои ги зеде палестинското вооружено движење Хамас. Продолжува насилното бомбардирање на палестинската енклава, каде, според ОН, повеќе од 423.000 луѓе веќе ги напуштиле своите домови.
Од почетокот на конфликтот, вкупно повеќе од 2.700 луѓе се убиени од двете страни, а илјадници се ранети.
