Иранскиот министер за надворешни работи Хосеин Амирабдолајан од Бејрут предупреди дека продолжувањето на злосторствата против Палестинците ќе биде дочекано со одговор од „останатиот дел од Оската“ и дека Израел ќе биде одговорен за последиците. Повеќе од 1.500 Палестинци беа убиени како одмазда на Израел по нападот на Хамас на југот на земјата. Иранскиот министер рече дека раселувањето на Палестинците и исклучувањето на водата и струјата во Појасот Газа се сметаат за воени злосторства.
-Некои западни функционери се прашуваат дали постои намера да се отвори нов фронт против ционистичкиот ентитет. Се разбира, во светло на продолжувањето на овие околности кои се воени злосторства. Продолжувањето на воените злосторства против Палестина и Газа ќе добие одговор од останатиот дел од оската. И, се разбира, ционистичкиот ентитет и неговите поддржувачи ќе бидат одговорни за последиците од тоа – рече тој по пристигнувањето во Бејрут.
Тој не прецизираше, но Оската на отпорот се однесува на сојузот меѓу Иран, палестинските групи на отпорот, Сирија, либанската група Хезболах и другите фракции.
