Циметот е суштински зачин за десертите од јаболка и сливи, а медот е еден од најздравите природни засладувачи. Поединечно се познати по одличните ефекти врз човековото здравје, а во комбинација со векови се на листата на природни лекови во многу култури.
Секој посебно е топ намирница
Многумина го сметаат медот за нектар на здравјето, а неговите лековити својства се научно докажани. Содржи многу лековити состојки како што се ензими, минерали, витамини Ц и Б комплекс, некои протеини, органски киселини (винска, јаболкова, лимонска) и фитохемикалии (феноли и флавоноиди) кои имаат антиоксидантни својства.
Што се однесува до неговиот одличен состав, не заостанува ниту циметот. Но, важно е секогаш да се избере цејлонскиот, кој доаѓа од Шри Ланка и се добива од дрвото Cinnamomum verum. За разлика од касија циметот, кој е полоша варијанта, цејлонскиот цимет содржи ниски дози на кумарин, соединение кое лошо влијае на црниот дроб и бубрезите, па затоа се препорачува само овој вид за консумирање.
Повеќе за ова прочитајте на „Арт кујна“.
