Израелската војска во понеделникот вечерта соопшти дека стотици милитанти на Хамас биле заробени, а стотици биле убиени во Појасот Газа и покрај израелската гранична ограда, додека Хамас се закани дека ќе одговори на израелските напади врз Појасот Газа со убивање заложници.Израел во вторникот соопшти дека повторно воспоставил гранична контрола со Појасот Газа и дека поставува мини каде милитантите на Хамас урнале гранична бариера за време на крвавиот напад во текот на викендот, по уште една ноќ на немилосрдни израелски воздушни напади врз енклавата.
Либан го ракетираше Израел
Како што јави Ројтерс, повикувајќи се на три безбедносни извори, неколку ракети биле истрелани од Либан кон Израел. Еден безбедносен извор рече дека бомбашкиот напад го извршиле палестински фракции, пренесува SkyNews.
Ова е трет последователен ден на насилство долж либанско-израелската граница. Шест лица беа убиени вчера: тројца членови на Хезболах, еден израелски офицер и двајца палестински милитанти.
Хезболах претходно им изрази поддршка на Палестинците.
Израел одговори на овој либански ракетен истрел, според новиот израелски воен извештај.
