Портпаролот на Кремљ Дмитриј Песков изјави дека Москва разговара и со Израел и со Палестинците за решение на конфликтот.
Запрашан за тврдењето на палестинскиот амбасадор во Москва дека палестинскиот лидер Махмуд Абас наскоро ќе ја посети Москва, Песков рече дека посетата била планирана пред војната и додаде дека допрва треба да се одреди датумот на посетата.
Песков го отфрли тврдењето на украинскиот претседател Володимир Зеленски дека е во интерес на Москва да предизвика војна на Блискиот Исток како „целосно неосновано“.
Зеленски претходно изјави дека војната е во интерес на Русија бидејќи ќе го ослабне „глобалното единство“.
Портпаролот на рускиот претседател Владимир Путин рече дека ова е долгогодишен, длабоко вкоренет конфликт и дека Русија е во контакт и со Израел и со Палестинците.
