Тиквата е една од омилените есенски намирници на многумина, а покрај одличниот вкус има и бројни здравствени придобивки.
Како што објаснуваат нутриционистите, тиквата е богата со хранливи материи како витамин А, витамин Ц, калиум, влакна и бета-каротин. Овие хранливи материи играат важна улога во одржувањето на здравјето на нашето тело на неколку начини, пишува „Healthline“.
Поздрава и поубава кожа
Како прво, луѓето кои редовно ја консумираат оваа храна ќе имаат поздрава кожа.
Причината за тоа е големото количество бета-каротин, кој во нашето тело се претвора во витамин А и на тој начин помага во заштитата на клетките на кожата од оштетување од штетните УВ зраци.
Исто така, витаминот Ц е одличен кога станува збор за хидратација на кожата, но го поттикнува и производството на колаген, што ја прави кожата поубава, еластична и сјајна.
Зајакнување на имунитетот
Исто така, диететичарите објаснуваат дека тиквата е одлична кога станува збор за зајакнување на нашиот имунитет.
Многу истражувања покажаа дека редовното консумирање на оваа храна придонесува за поголема отпорност на нашето тело и затоа поретко ќе се разболуваме.
Помал ризик од болести на срцето и крвните садови
Благодарение на високата содржина на калиум во тиквите, редовното консумирање доведува до намалување на крвниот притисок и намалување на ризикот од срцеви заболувања.
Покрај тоа, оваа вкусна и здрава храна содржи и антиоксиданси за кои е докажано дека помагаат во неутрализирање на слободните радикали во организмот и го намалуваат ризикот од хронични болести, пренесува Index.hr.
