Високиот претставник за надворешна политика и безбедност на Европската унија, Жозеп Борел ги покани министрите за надворешни работи на земјите-членки на средба во Киев, што ќе биде прва ваква средба надвор од границите на Унијата.
„Денеска ги свикувам министрите за надворешни работи во Киев, на првата средба на сите 27 земји членки надвор од Унијата“, напиша Борел на Твитер, нагласувајќи дека ова е историска средба.
Борел претходно изјави дека на тој состанок не треба да се очекуваат одлуки, бидејќи се работи за неформална средба.
Неформалните состаноци обично се посветуваат на длабински политички дискусии наместо на донесување конкретни одлуки.
