Мaж од Индија, кој две години страда од болки во стомакот, ги шокирал лекарите кои во неговиот стомак пронашле повеќе од 60 предмети кои се користат во домаќинствата, пишува Њујорк Пост. Кулдип Синг(35) дошол во болницата велејќи дека со месеци има силна треска.
Синг бил опериран три часа од хирургот Ануп Ханда и гастроентерологот д-р Вишавнур Калра. Иако процедурата била успешна, пациентот сѐ уште е на респиратор и е во критична состојба.
– За време на рендгенот, најдовме шкафчиња, синџири, навртки, завртки, слушалки и многу други предмети во стомакот – изјави Ајмер Синг Калра, директор на болницата „Мога Медисити“ во Мога, каде што се лекува човекот.
Лекарите направиле рендген и откриле дека Синг изел приближно 60 предмети, вклучувајќи медалјони, синџири, навртки, завртки, слушалки и сигурносни иглички, магнети, копчиња и патенти од кошули и многу други.
Лекарите му дијагностицирале ментална болест поради која компулсивно голта други предмети освен храна, соопштија од клиниката. Според нив, болеста е најчеста кај малите деца, трудниците и лицата со психијатриски пореметувања, меѓу кои аутистичен спектар, интелектуална попреченост или шизофренија.
– Бидејќи јадел остри предмети, имал тешки рани во стомакот – изјавиле лекарите.
