Путер може да се најде во речиси секој рецепт за печење колачи, десерти и разни теста (а и во многу други рецепти!), па ако сте љубители на печењето, добро е да го имате секогаш при рака. Но, дали можете да го замрзнете путерот? Како што се испоставува, путерот навистина може да се замрзне и да се чува во замрзнувач додека не ви треба. Научете како да замрзнете, одмрзнете и да користите путер за никогаш повеќе да не снема.
Можете ли да замрзнете цел блок путер?
Да, можете да замрзнете блок путер. Најлесен начин да го направите ова е да го оставите путерот во оригиналното пакување. Ако планирате да го замрзнете путерот подолго време или ако веќе сте го извадиле оригиналното пакување, задолжително завиткајте го во најлонска фолија. За дополнителна безбедност, чувајте го завитканиот путер во херметички контејнер за складирање храна, како што е добро затворена кеса, и префрлете го во замрзнувач.
Можете ли да замрзнете коцки путер?
Да, можете да замрзнете коцки путер и работи добро се додека цврсто го завиткате путерот. Еве како да го направите тоа:
– Наредете го на коцки путер на пластична фолија и завиткајте
-Завитканиот путер чувајте го во херметички сад, како што е добро затворена кеса и ставете го во замрзнувач.
Колку долго трае замрзнатиот путер?
Замрзнатиот путер трае до шест месеци ако се чува правилно во замрзнувач. После тој момент, квалитетот на путерот може да почне да се влошува, пишува Нови лист.
Како да се стопи замрзнатиот путер?
За да го одмрзнете замрзнатиот путер, оставете го во фрижидер преку ноќ или на собна температура на шанк неколку часа. Ако ви треба путерот побрзо да се стопи, исечете го на ситни парчиња или изрендајте го со ренде.
Како да користите замрзнат путер?
Во некои рецепти за колачи, ладниот путер помага да се обезбеди совршено нежна, ронлива текстура. Ако сакате да користите замрзнат путер за некои теста, изрендајте го со големите дупчиња на ренде за сирење.
Ако ви треба стопен путер за рецепт, можете да го одмрзнете замрзнатиот путер веднаш од неговата замрзната состојба, или во тава или во микробранова печка.
