Членот на Управниот одбор на Европската централна банка (ЕЦБ), Франсоа Вилерој де Гало денеска изјави дека ЕЦБ ќе ја задржи референтната каматна стапка на 4% „доволно долго“ за да се стабилизира економијата.
-Инфлацијата е болест, а каматните стапки се лекот што почнува да делува… Сметаме дека 4% е добро ниво. Треба да ја задржиме оваа референтна каматна стапка доволно долго – рече тој во интервју за БФМ телевизија.
ЕЦБ ја зголеми својата референтна каматна стапка на рекордни 4% претходно овој месец и сигнализираше дека тоа најверојатно ќе биде последното зголемување на каматната стапка поради забавувањето на економијата во еврозоната.
