И покрај бројот на разводи кои влијаат на фактот дека бракот веќе буквално не значи „додека смртта не не раздели“, ниту еден од младенците во моментот на брак не смета дека разводот би можел да се случи наскоро. Особено не скоро веднаш.
А токму тоа и се случи на брачен пар во Кувајт чија брачна среќа траеше буквално три минути.
Додека ја напуштале судницата каде што се венчале, невестата се сопнала и паднала на подот.
Наводно, младоженецот поради нејзината грешка ја нарекол сопругата глупава. Исмејувањето на сопругот беше премногу за жената, таа многу се налути и веднаш отиде кај судијата што го склучи бракот, да го поништи.
Судијата во судот во Кувајт немал ништо против и се согласил на поништување по само три минути од бракот, пишува британски „Мирор“.
