Двајца македонски државјани се евакуирани од подрачјето на земјотресот во Мароко. тие се во добра здравствена состојба и се наоѓаат во камп во градот Маракеш. Утре вечер ќе патуваат за Мадрид од каде ќе допатуваат во земјава, соопшти Министерството за надворешни работи.
„ Информираме дека нашето Дипломатско конзуларно претставништва во Каиро, е во комуникација со надлежните институции во Мароко, за евентуални наши државјани во погодените региони и потреба за евакуација. Во нашето Дипломатско конзуларно претставништво во Каиро досега се пријавени само двајца наши државјани, кои се евакуирани и моментално се во камп во Маракеш, во добра состојба и утре вечер патуваат за Мадрид“, се наведува во соопштението .
Од Министерството за надворешни работи ги повикуват сите државјани на Македонија кои во моментот се наоѓаат во Мароко и имаат потреба од конзуларна асистенција, да се јават на дежурниот телефон на Амбасадата во Каиро +20 103 361 5542 и СОС телефонот на Министерството за надворешни работи 075/ 273- 732.
