Москва има информации дека постои опасност од минирање на гасоводите „Турски тек“ и „Син тек“ во Црното Море, изјави рускиот министер за надворешни работи Сергеј Лавров при посетата на Бангладеш.
Лавров рече дека Украина користи хуманитарни коридори во Црното Море за да ги нападне руските цивилни и воени бродови кои ја чуваат енергетската инфраструктура.
„Тие се обидоа да нападнат воени бродови кои патролираа во водното подрачје каде што се наоѓаат гасоводите „Турски поток“ и „Син поток“. Патролите се воведени бидејќи има информации дека се обидуваат да ги кренат во воздух, како гасоводот во Балтичкото Море“, рече Лавров.
Спутник потсетува дека за ова претходно зборуваше и рускиот претседател Владимир Путин, кој изјави дека постои опасност од терористички напади на овие два гасоводи со дронови.
