Српски автобус, кој се враќал од Грција, бил нападнат од група малолетници, кои фрлале камења кон возилото од надвозник во Македонија, известуваат српски медиуми, не наведувајќи ја точната локација на надвозникот.
Како што пишуваат српските медиуми, во инцидентот немало повредени, но сите патници биле видно вознемирени, особено децата што биле во автобусот.
„Вечерва, на враќање со автобус од Грција се случи нешто непријатно. Од надвозникот во Македонија бевме гаѓани со камен право во стаклото кај возачот. За среќа, стаклото не се скрши целосно и децата што седеа таму не беа повредени. Ние подоцна бевме известени дека тоа го направила група малолетници, дека не сме први на кои ова им се случува и дека ова е често. Ете, само да им укажам на возачите да внимаваат при минување под надвозникот во Македонија“, пишува на фејсбук-страницата „Лајв фром Грис“.
