Во последните неколку месеци, бројни ѕвезди доживеаја непријатни ситуации на самата сцена, додека пеат – беа удирани со разни предмети на своите настапи, благодарение на еден бизарен тренд за кој се чини дека нема крај.
Еден од најпознатите беше оној кога маж од публиката со мобилен телефон ја удри во глава пејачката Бебе Реџа, поради што таа завши со модро око и мораше да оди во болница да и ја сошијат расечената веѓа.
Меѓутоа, познатиот рапер помина многу подобро.
Не е тајна дека Дрејк доби еден куп градници во текот на својата турнеја, но последниот градник што долета на сцената е убедливо најголемиот подарок досега.
Во огромниот градник се криела порака која пејачот не сакал да ја прочита на глас, а потоа открил дека тоа е подарок од неговиот татко и сепак одлучил да ја прочита.
„Тато сака големи работи за тебе. Те сакам и сакам да се осигурам дека правилно те дојат“, пишувало во пораката, а раперот реагирал извикувајќи: „Што не е во ред со тој човек?“.
Сепак, на крајот треба да се потсети дека и самиот Дрејк беше жртва на бизарниот тренд. На почетокот на јули некој од публиката го удри со мобилен во рака, но раперот само продолжил да пее.
ФОТО: ТикТок
