Еден од најпознатите регионални музичари Момчило Бајагиќ Бајага неодамна се разведе, а во јавноста се појави фотографија на која пејачот наводно е уловен со нова девојка.
Иако вешто избегнува да зборува за приватниот живот, сега на медиумите им откри дали во моментот ужива покрај поубавата половина, пишува „Блиц“.
– Никогаш не сум се бранел од жените, мислам дека луѓето не треба да го прават тоа. Како жените да се некои агресори, па треба да се браниш. Не сакам да зборувам за мојот приватен живот – истакнал Бајага и открил на што сѐ биле подготвени сите жени поради него.
– Имаше многу луѓе кои нѐ следеа, беа премногу возбудени, но се обидов да ги смирам. Фрлаа градници, не е само тоа кај Здравко, тоа е некоја традиција. Не ги фаќам, тоа оди некаде, не ги носам дома – рекол Бајага.
Иако е јавна личност, Бајага тврди дека се однесува како сите нормални луѓе, но и дека се труди во никој случај да не се разликува од другите.
– Се однесувам исто и приватно и службено, нема никакви тајни. Ист сум и пред камери и приватно. Не знам како славата не ме промени, почнав да свирам многу рано, следната година славиме 40 години од бендот, ќе одржиме и големи концерти по тој повод. Почнав да пеам и пред тоа, на 17 години во „Рибља чорба“. Таму научив сѐ, тоа беше мое основно училиште, научив да се однесувам нормално. Сите пријатели од тој бенд, она што сега остана од оригиналната постава, сите се нормални луѓе, како и мојот покоен кум Миша и Рајко Којиќ. Не треба да се занесуваш кога работите одат добро, а не треба да бидеш тажен кога работите не одат добро. Животот е таков, некогаш функционира, некогаш не – изјавил Бајагиќ.
