Филмот „Барби“ заработи над милијарда долари од продажбата на билети во САД и ширум светот за околу две недели, објави вчера Ворнер Брос.
– Како главни дистрибутитери, често и ние остануваме без зборови од изведбата на филмот, но „Барбилион“ ги надмина дури и нашите најоптимистички предвидувања – изјави Џеф Голдстин, одговорен за домашната дистрибуција на „Ворнер брос“.
Студиото објави дека филмот заработил 459 милиони долари во домашните кина и 572,1 милион вон САД, така што вкупната заработка досега веќе е 1,0315 милијарди долари. Оваа информација ја потврди аналитичката компанија „Комскор“ (Comscore).
Филмот е во режија на сценаристката-режисерка Грета Гервиг, глумат Марго Роби и Рајан Гослинг во главните улоги како Барби и Кен.
