Експертите објавија кој вид на храна има најлош ефект врз здравјето на вашиот мозок.
Бидејќи приближно еден од двајца до тројца Американци ќе доживеат когнитивно оштетување по 70-тата година од животот, разбирливо е дека наоѓањето начини за одржување на здравјето на мозокот е главен приоритет за многумина. А еден начин да го направите тоа е со намалување на некои од најлошите намирници за здравјето на мозокот.
„Одржувањето на оптимално здравје на мозокот значи минимизирање на воспалението и изложеноста на токсини“, објаснува неврологот Дејл Бредесен за Eat This. Тој додава дека внесувањето на одредени намирници му штети на здравјето на нашиот мозок, а една од нив е особено опасна и препорачува што повеќе да ја избегнуваме. Се работи за пржена храна.
„Се што е длабоко пржено сигурно има добар вкус. И тоа задоволувачко крцкање во кое уживате откако ќе ја гризнете пржената храна е нешто што тешко се заменува. Но, честото јадење пржена храна, како пржено пилешко, не му прави услуга на вашиот мозок. Резултатите од мета-анализата објавена во American Journal of Clinical Nutrition покажаа врска помеѓу поголем внес на пржена храна и зголемен ризик од когнитивни здравствени проблеми. Ако не можете без малку крцкаво месо од пилешкото, обидете се да го препечете и печете наместо длабоко пржење“, препорачува Eat This.
Споменатиот портал објави уште шест видови на храна кои треба да ги избегнувате доколку се грижите за здравјето на вашиот мозок, а тоа се гумени бонбони, сабјарка, виршли, брза храна, крофни и бисквити.
