Имаше многу интересни пациенти на ветеринарното училиште на Универзитетот во Флорида, но еден пациент од јули беше невообичаено голем и заби…
Американски алигатор, жител на зоолошката градина Сент Августин во Флорида, го посети ветеринарното училиште на 25 јули.
Брук, алигатор тежок 170 килограми, почна да покажува необични симптоми – тој постојано ја вртеше главата – што го натера докторот за рептили во Зоолошката градина, Џим Дарлингтон да го однесе на патувањето од 130 километри до ветеринарното училиште во Гејнсвил.
Д-р Бриџит Вокер, ветеринар на Универзитетот во Флорида, вадеше крв од врвот на главата на Брук додека Дарлингтон асистираше.
Потоа тим зоолози го однеле алигаторот во Одделот за радиологија за да му помогнат на Брук, кој го добил името по зоолошката градина Брукфилд во Чикаго, каде што живеел пред да биде префрлен во фармата за алигатори, пишува USA Today.
Тим од радиолози направиле слики од белите дробови на Брук. Му требаа дополнителни скенирања бидејќи беше преголем за да направи КТ скен на целото тело, изјави Сара Кери, портпаролка на Колеџот за ветеринарна медицина.
По завршувањето на скенирањата и тестовите, персоналот на Универзитетот утврдил дека Брук има инфекција на увото, а алигаторот бил вратен во фармата во Зоолошката градина откако добил третман подоцна истата вечер.
