Нешто што се сокри од јавноста е фактот дека пред три месеци на охридскиот Аеродром Св. Апостол Павле од страна на полициски службеник при контрола на патна исправа, фатено е лице државјанин на Косово со фалсификувана патна исправа од Република Франција.
Истото лице веднаш е приведено од страна на полициски службеници од ГП Аеродром Охрид и при извршен претрес пронајден му е мобилен телефон, а при проверката на мобилниот телефон во СМС пораки била констатирана содржина на порака каде лицето се договара со друго лице – полициски службеник за износ од 10 илјади фунти да биде пропуштен од страна на полициски службеници да патува на летот од Охрид до Лондон. Како што дознаваме од нечија ургенција од друг полициски службеник лицето е експресно пуштено да го напушти аеродромот Св. Апостол Павле во Охрид, а дали имало било каква пријава не знаеме ни од полициските службеници кои ги контактиравме. За настанот очекуваме повеќе објасување од страна на помошникот директор за гранична полиција при МВР на РСМ Сашо Смилески.
