Ние сме земја-членка на НАТО, но согласно Вашингтонскиот договор, не можеме да испраќаме војници на територија на туѓи држави кои не се дел од Алијансата и кои не се дел од колективната одбрана на НАТО, истакна министерката за одбрана Славјанка Петровска во вечерашното гостување на ТВ24, наведувајќи дека Македонија нема да испрати војници доколку дојде до судир помеѓу Русија и Украина.
– Во ниту еден момент не употребив терминологија дека ќе објавуваме војна на некоја друга држава. Територијалниот интегритет на Украина е нешто што максимално го почитуваме и ја поддржуваме политиката на НАТО на отворени врати за која било земја која сака да стане членка. Северна Македонија е земја членка на НАТО, но согласно Вашингтонскиот договор не може да испраќа војници на тероторија на туѓи држави кои не се дел од НАТО Алијансата и кои не се дел од колективната одбрана на НАТО – рече Петровска.
