Во извидничкиот камп Чегедол во близина на Бреша загина 16-годишна тинејџерка кога дрво паднало врз шатор во кој таа спиела во текот на невремето што ноќеска го зафати северниот дел на Италија, јавува италијанските новински агенции АНСА.
Кампот бил евакуиран од пожарникари. Поради невремето евакуиран е и извидничкиот камп во Вал Дориз.
Младата девојка е втора жртва во силното невреме во Италија. Во Монца загина 58-годишна жена врз која паднало откорнато трво, а три лица се потешко повредени.
Милано и околината утринава околу четири часот ги зафати силно невреме со силен дожд, град и удари на ветер со брзина поголема од 100 километри на час, што е второ невреме за нешто повеќе од 12 часа.
