Хрватските автопати се меѓу најдобрите во Европа и во светот, објави Светскиот економски форум.
Во конкуренцијата во која имаше 141 земја, Хрватска со просечна оценка 5,6, заедно со Данска и Тајван, го дели 12-тото место на светската ранг-листа за најдобри глобални патни инфраструктури, се вели во соопштението на Хрватски автопат, а пренесува Хина.
Покрај извештајот на Светскиот економски форум, објавена е и ранг листа за квалитетот на патната инфраструктура во 141 земја.
Така, Сингапур има највисок просечен рејтинг од 6,5, додека зад групата земји со просечен рејтинг, во која спаѓа Хрватска, се некои многу развиени земји како Обединетото Кралство, Данска, Германија, Финска, Франција, Луксембург, Катар и САД.
Од соседните земји Словенија е на 36 место, додека Унгарија е на 69 место.
ХАЦ потсетува дека во 2018 година, во конкуренција на 137 земји, со просечна оценка од 5,5, Хрватска го делеше 13. место со Данска, Оман, Германија, Шпанија, Катар, Шведска и Луксембург.
Од таа група, само Хрватска и Шпанија ја подобрија патната инфраструктура, додека останатите земји сега се рангирани под Хрватска по квалитет.
„Квалитетот на нашите автопатишта е резултат на континуирано инвестирање во инфраструктурата преку редовно и вонредно одржување, како и инвестирање во проекти за зголемување на безбедноста во сообраќајот“, заклучуваат од ХАЦ.
