Првиот човек на тимот на Ред Бул во Формула 1, Кристијан Хорнер, зборуваше за ривалството меѓу неговиот тим и Ферари и истакна дека овој однос не подразбира „непријателство“, како што е случајот со некои други Ф1 тимови, алудирајќи јасно на Мерцедес.
Сезоната во Ф1 започна со трките во Бахреин и Саудиска Арабија, а главниот збор, кога е во прашање борбата за првото место, го водеа актуелниот шампион Макс Ферстапен и возачот на Ферари, Шарл Леклер. Тие двајца се натпреваруваа како момчиња во картинг натпревари.
* Оштетување на болидот на Шумахер близу милион долари
„Формула 1 навивачите можат да видат двајца фантастични млади возачи кои се познаваат уште од својата десет или 11-годишна возраст. Покрај тоа, тие имаат многу конкурентни болиди, па првите две трки од овогодинешниот шампионат беа навистина фантастични. Можете да видите дека Чарлс и Макс имаат почит еден кон друг, а со новите правила можат подобро да се тркаат. Примерокот што го имаме од првите две изведби ветува дека сезоната ќе биде возбудлива“, изјави Кристијан Хорнер.
„Дали Ферари сега е нашиот најголем ривал? Тие се одличен тим, имаат одлични возачи. Мислам дека имаме поинаков однос со нив во споредба со некои други наши ривали, каде што имаше непријателство. Сепак, сигурен сум дека Мерцедес ќе се врати наскоро“, изјави првиот човек на Ред Бул.
Следниот тркачки викенд во Формула 1 шампионатот е на програмата од 8 до 10 април, а ќе се вози и трка за Големата награда на Австралија. Целата акција од патеката „Алберт парк“ ќе можете да ја следите во директни преноси на каналите на Спортскиот клуб.
