Meta Platforms, компанијата која управува со Facebook, Instagram и WhatsApp, неодамна лансираше нова апликација за кратки објави наречена Threads, која веќе има милиони корисници.
Апликацијата за кратко време успеа да привлече голем интерес кај корисниците. Меѓу оние кои брзо се приклучија на новата платформа беа познати личности како Ким Кардашијан и Џенифер Лопез, како и истакнати политичари како Демократската претставничка на САД, Александрија Окасио-Кортез.
Извршниот директор на Мета, Марк Закерберг изјави дека апликацијата за седум часа забележала 10 милиони регистрации. Тој се огласи на Твитер, објавувајќи шега за неговото ривалство со сопственикот на Твитер, Илон Маск.
Аналитичарите велат дека врските на Threads со Instagram би можеле да му дадат вградена корисничка база и рекламна машина. Ова може да предизвика помалку рекламирање на мрежата Твитер и да ги исполни амбициите на Цукерберг да доминира на пазарот.
