Седите дома и пушите џоинт, а вашата мачка ве гледа од каучот? Тоа може да заврши лошо бидејќи чадот го вдишуваат и домашните миленици, предупредуваат ветеринарите.
„[Чадот] може да предизвика симптоми опасни по живот“ кај животните, вели германската ветеринарка Моира Герлах. Додека пушите марихуана, секогаш внимавајте вашите миленици да не се во собата.
Ако вашето куче случајно ги изеде вашите „колачиња“, веднаш контактирајте го вашиот ветеринар, препорачува Герлах. Ако поминале помалку од два часа откако животното го проголтало колачето со марихуана, ветеринарот може да предизвика повраќање за да ја исфрли штетната материја.
Но, дури и ако подоцна забележите дека колачињата ги нема, сепак треба да се консултирате со ветеринар, вели Герлах, додавајќи дека е важно да не се лажете за консумирањето канабис. „Искрено пријавете што конзумирало животното“, вели таа.
Доколку не сте свесни дека вашето домашно милениче консумирало канабис, можете да го препознаете по симптомите на интоксикација. Невролошки симптоми, вклучувајќи проширени зеници, тетеравење, тремор, конвулзии и гастроинтестинални симптоми како што се лигавење, повраќање се чести.
Сепак, сериозноста на симптомите може да варира во зависност од животното и количината што се внесува.
Марихуаната може да влијае и на нивното однесување, при што животните понекогаш покажуваат немир, апатија или зголемена вокализација, како и агресивно однесување, дури и гризење.
Ако се сомневате дека вашето домашно милениче може да биде засегнато, веднаш контактирајте го вашиот ветеринар, вели Герлах.
