Постојат многу фактори кои можат да играат улога во тоа колку спиеме. Нашиот начин на исхрана, нивото на физичка активност и секојдневните навики се важни компоненти кои одредуваат кога ќе го завршиме денот и ќе се сместиме во кревет.
Ако не сте сигурни кој е изворот на вашите проблеми со спиењето, одговорот може да го има гастроентерологот и автор на „The Fiber Fueled Cookbook“, Вил Булсиевич. Тој сподели објава на Инстаграм во која откри дека некои јадења и пијалоци можеби се дел од нашата рутина и предизвикуваат будност.
„Престанете да консумирате кофеин попладне, особено ако не спиете лошо“, рече тој.
Булсиевич се осврна на студијата од декември 2022 година, објавена во International Journal of Molecular Sciences, и истакна што се случува со целокупното здравје кога внесот на кофеин го нарушува сонот.
„Се покажа дека хроничниот недостаток на сон, како резултат на внесот на кофеин, всушност може да влијае на нашите црева“, додаде тој.
Како што пренесува Индекс, ова предупредување не значи дека треба целосно да го избегнувате кофеинот. Ако пиете кафе наутро, тоа не е проблем, забележува докторот.
„Всушност, кафето наутро ќе ви биде добро, но внимавајте со кофеинот попладне, што важи и за чаевите и за енергетските пијалоци“, заклучил тој.
