Фејсбук и Инстаграм ќе го блокираат пристапот до објавите од канадските медиуми, соопшти компанија Мета, како одговор на законот со кој Канада ги принудува интернет гигантите да плаќаат за емитување содржини од локалните медиуми.
„Денес потврдуваме дека содржината – вести повеќе нема да биде достапна на Фејсбук и Инстаграм за сите корисници во Канада“, соопшти Мета.
Компанијата неколку пати предупреди дека ќе го направи овој потег.
Канадските власти, пак, соопштија дека нивни официјални лица разговарале во текот на неделата со претставници на Facebook и Google.
Новиот закон, кој беше усвоен и допрва треба да стапи на сила, бара од дигиталните гиганти да склучат договори за фер трговија со канадските медиуми за публикации споделени на нивните платформи.
Мета и Гугл последните месеци соопштија дека тестираат мал дел од канадското население, ограничувајќи им го пристапот до сајтовите за вести.
