Цената на биткоинот порасна за повеќе од 5% на 28.064,10 долари, што е највисоко ниво од почетокот на мај, објави Coin Metrics.
Ова влијаеше месечните добивки на оваа криптовалута да преминат во зелено. Етер порасна за 3,7% на 1.786,25 долари и сега е за 4% под месечното ниво.
Интересот за криптовалутите се зголеми од крајот на минатата недела, кога BlackRock поднесе барање за прв биткоин ЕТФ во САД.
Барањето доаѓа една недела откако Комисијата за хартии од вредност ги тужеше две од најголемите крипто берзи, Binance и Coinbase.
