Од настанатите поплави на 14.06.2003 год. во Делчево и околината оштетени се темелите на мостот на Црвенска Река на магистралниот пат А3 делница Македонска Каменица – Делчево. Сообраќајот на мостот се одвива наизменично, по една коловозна лента.
Поради излевање на Крива Река во прекин ќе бидат локалните патишта од Крива Паланка кон село Варовиште и село Градец. Исто така, во село Пчиња, кумановско, има собрани дрвја и гранки под мостот на реката Пчиња, со што е намален протокот на реката, па постои опасност од излевање и оштетување на мостот, информира АМСМ.
Од ЦУК информираат дека патот Извор-Прилеп, кај селото Степанци во Општина Чашка е во прекин поради наноси од земја. За ова се известени ЈП за одржување и заштита на магистрални и регионални патишта и истите известуваат дека од понеделник ќе излезат на терен за санирање на патот.
Исто така, на локалниот патен правец кон селата Иванчишта и Ехлоец – Кичево има лизгање на земјиште, каде патот не е прооден. За ова се известени ЈП за одржување и заштита на магистрални и регионални патишта и истите се излезени на терен за санирање на патот.
