Јужната команда на украинската армија соопшти дека руската армија во текот на ноќта го нападнала градот Одеса со крстосувачки ракети „Калибр“, при што загинале три лица, најмалку 13 се ранети, а можно уште луѓе да се заробени под урнатините.
По нападот бил пријавен пожар во близина на деловниот центар и зафатен е магацин на трговски синџир. Експлозиите се слушнале во Одеса околу 2:30 часот по локално време, по што следел пожар и големо количество чад.
Украинската команда соопшти дека Русија истрелала вкупно четири крстосувачки ракети „Калибр“ кон градот. Во претходното соопштение, командата соопшти дека два проектила биле соборени од украинската противвоздушна одбрана. Еден од проектилите го погодил магацинот на синџирот, предизвикувајќи голем пожар и убивајќи тројца вработени во складиштето, а седум лица се повредени.
Отпадоци од проектили оштетиле и деловен центар, образовна институција, станбен комплекс и продавници во центарот на градот, при што според првичните проценки се повредени шест лица.
