Луис Де Зиса (25) е обвинет за убиство на наредникот Ратана (54) во блок за притвор во Кројдон, јужен Лондон, на 25 септември 2020 година, додека рацете му биле врзани со лисици.
На судењето за убиството на полицаецот беше прикажана снимка од грозоморниот момент кога вооружениот напаѓач го застрела наредникот Мет Ратана во притворската ќелија со стар револвер што го сокрил во футрола под пазувите.
Обвинителството тврди дека Де Зиса „намерно го повлекол чкрапалото четири пати“ додека бил со лисици, при што првиот и вториот истрел го погодиле наредникот Ратана, третиот во ѕидот за време на тепачка со полицијата, а четвртиот во самиот Де Зиса.
Тие велат дека пиштолот и футролата биле „најверојатно скриени под пазувите“.
Де Зиса го негира убиството. Одбраната на судењето изјави дека обвинетиот во моментот на пукањето боледувал од аутизам и дека „немал намера, ниту сакал да го убие наредникот Ратана, ниту да му нанесе сериозни повреди“.
Објавената снимка е намалена на осум минути и 47 секунди и вклучува видео од камерата на телото на кое се гледа како полицајците застануваат и го пребаруваат Де Зиса на Лондон Роуд во раните часови на 25 септември 2020 година.
Потоа го ставиле во задниот дел на полициско комбе и го однеле во блокот за притвор.
Исто така, ги прикажува моментите пред наредникот Ратана, кој имал 54 години, да биде смртно застрелан нешто по 2 часот по полноќ.
Според Дејли Мејл, Де Зиса сѐ уште бил со лисици кога наредникот Ратана бил застрелан и намерно испукал куршум во градите на полицаецот.
Обвинителството тврди дека Де Зиса правел куршуми за антички револвер што го сокрил во футрола и го земал откако бил уапсен, а рацете му биле врзани со лисици и ставен во полициско комбе.
Обвинителот Данкан Пени К.Ц изјави пред судот дека на видеото се гледа како Де Зиса стои, го врти телото надесно и со едно движење ги повлекува рацете зад грбот на десната страна. Тој исто така изјавил дека Де Зиса знаел дека користел пиштол што функционирал.
– Луис Де Зиса држеше пиштол во десната рака. Тој пукаше директно во градите на наредникот Ратана – изјави Пени пред судот.
Вториот истрел, испукан секунда по првиот, го погодил наредникот Ратана во ногата, но не бил смртоносна рана, објасни обвинителот.
Неколку моменти откако беше истрелан фаталниот прв куршум, друг полицаец продолжи да го повлекува Де Зиса назад.
– Во тоа време пиштолот беше во десната рака на Де Зиса. Во исто време, неговата десна рака е подигната на десната страна од главата. Дејствијата на Де Зиса и полицаецот што се бореле со него влијаеле на тоа каде бил вперен пиштолот. Нивните дејства биле комбинирани така што пиштолот бил вперен во левиот ѕид од ќелијата. Кога пиштолот бил подигнат, Луис Де Зиса пукал по трет пат. Истрелот го погодил левиот ѕид од ќелијата – вели обвинителот.
Обвинителот рече дека полицаецот потоа го соборил Де Зиса на земја, додека полицајката го грабнала нејзиниот тејзер и се обидела двапати да пука.
Во 16 секунди откако истрелот удрил во ѕидот, на поротата и било кажано дека Де Зиса бил на подот лево со пиштолот под него.
Потоа имало придушен тресок, за кој обвинителството вели дека бил четвртиот истрел во кој бил повреден Де Зиса.
– Секое електрично празнење од тејзерот не можеше да предизвика Луис Де Зис да го испука четвртиот истрел бидејќи пукотницата може да се слушне пред тејзерот – рече обвинителот.
На поротата за време на судењето и било дозволено да го држи пиштолот и да пука. Експертот за судска медицина и балистика Ентони Милер објасни дека пиштолот бил наполнет со лажни куршуми и е сосема безбеден за употреба во судница, иако бил вперен на таванот.
Милер пред судот изјави дека ги прегледал револверот и муницијата пронајдени по инцидентот.
На прашањето на обвинителот Пени дали пиштолот пукнал случајно за време на неговиот тест, Милер рече дека не.
Зборувајќи со кратки и едноставни реченици за да може Де Зиса, кој претрпе оштетување на мозокот откако беше застрелан во вратот за време на инцидентот, да ја следи постапката, Милер рече:
„Го соборив на земја, го удрив со платнен чекан и генерално се однесував грубо со него“.
Обвинетиот, кој имал 23 години за време на пукањето и живеел во стан на фарма во Банстед, Сари, го купил пиштолот, кој бил легален да се поседува бидејќи се сметал за антика, на интернет во јуни 2020 година.
