Српскиот претседател Александар Вучиќ признава дека ситуацијата за Србија е комплицирана и дека може да ескалира секој ден, бидејќи косовскиот премиер Албин Курти нема да престане да испраќа специјални полициски сили на северот.
Вучиќ додаде дека денеска еден Албанец напишал добра статија и изјавил дека „Курти фантазира за војна и да биде воен премиер, како Зеленски“.
– Не му е проблем што некој друг ќе војува. Тој нема. Малку тие, повеќе НАТО. Тој сака Србија и НАТО да влезат во конфликт. Но, не можеме да влеземе во конфликт со НАТО. И мораме да му помогнеме на нашиот народ. Затоа ситуацијата ни е комплицирана – изјави Александар Вучиќ гостувајќи на ТВ Прва.
Во однос на оценката дека претставниците на меѓународната заедница го осудија Албин Курти, Вучиќ рече дека му е мило што луѓето во Србија се задоволни што понекогаш се видливи резултатите од сериозната и одговорна политика.
