За Премиер лигата на Босна и Херцеговина често во навивачките кругови се зборува дека е преполна со наместени натпревари и резултати, а тоа не е случај само во границите на нашата земја. Тоа што се случи на Косово ја шокираше, но и ја насмеа светската фудбалска јавност.
Во натпреварот од последното коло од косовската лига, екипата на Феризаја која се бори за опстанок одигра на домашен терен против Дукаѓини и на крајот успеа да слави со резултат 2:1 и да обезбеди плеј-оф за останување во лига.
Спорно е како ја постигнаа победата. Имено, судијата на овој натпревар при резултат 1:1 го продолжи натпреварот за неверојатни 15 минути, а токму во 15. минута од судиското продолжение домашните постигнаа гол за спасување.
При постигнувањето на голот, кој го постигна Фазлиу, голманот на гостите можеше без сомнение да ја фати топката со раце, но направи се за да ја избегне топката и да ја пушти во голот. Комбинацијата на сето тоа е комичен доказ дека играта не била „чиста“.
Феризај со овие три бода успеа да дојде до местото кое води во разигрувањето за опстанок во лигата, а следен противник ќе им биде Лирије која се бори за влез во првата лига.
