Нејзините песни ги сакаше британската кралица Елизабета Втора, а очигледно ги сака и новиот крал Чарлс Трети, кој ја одобри песната.
Многу познати и непознати луѓе ширум светот тагуваат за „кралицата на рокенролот“ Тина Тарнер. Иако долго време не се занимава со музика, последниот концерт го одржа во 2009 година, а последниот студиски албум го издаде во 2000 година, 83-годишната музичарка и нејзините хитови и денес не ги оставаат рамнодушни луѓето.
Сигурно така ќе биде и во иднина. А очигледно е дека кралицата на рокот ја обожавал и вистинскиот крал со круна и престол – Чарлс III, британскиот владетел.
Познато е дека неговата мајка, кралицата Елизабета Втора, која почина минатата година, ги сакаше песните на Тина Тарнер, а тие две се запознале дури во 1989 година.
Сега, во чест на Тина Тарнер, во дворот на Бакингемската палата, главното седиште на британската монархија, по наредба на кралот Чарлс беше изведена песната „Simply The Best“. Тоа е симпатична и малку необична преработка на врвниот хит на Тина во изведба на Оркестарот на велшката гарда и тапанарската група на 1. баталјон на велшката гарда.
Тие привлекоа големо внимание за свирењето на познатата песна за време на церемонијата за промена на гардата кога кралската гарда „ја предаде одговорноста за заштита на Бакингемската палата и палатата Свети Џејмс“ на нова група војници облечени во шарени униформи.
Снимката од тој настап се прошири на социјалните мрежи, а тажните обожаватели побрзаа да коментираат дека тоа е „убав гест“ од кралската куќа, дека плачеле, дека е „фантастична обработка на една од најдобрите песни досега“, и некои особено се заблагодарија за покажаното почитување на „кралицата на рокот“.
Тина Тарнер почина во средата на 24 мај во својот дом во Швајцарија. Таа се бореше со бројни здравствени проблеми.
