Матичните лекари се жалат дека неколку дена не можат да пријавуваат и одјавуваат пациенти, а причина што одново не функционираат делови од веб-страницата на Фондот за здравство повторно не функционираат.
– Опцијата да пријавиме нови пациенти не е достапна веќе 3-4 дена. И претходно имаше периоди кога е недостапна, паѓа системот па повторно се враќа во функција, но неколку дена веќе воопшто не е достапна – вели Лилија Чолакова – Дервишова, матична лекарка и претседателка на Здружението на приватните лекари на Република Македонија.
Од Фондот за здравствено осигурување потврдија дека има проблеми со делови од платформата, но не поради хакерки напад, туку поради модернизација на серверите.
– Во периодов се прави миграција и модернизација на серверската инфраструктура така што се јавуваат одредени тешкотии во работата – велат од Фондот.
На почетокот на февруари годинава Фондот за здравство како технички проблем го пријави она што подоцна призна дека е хибриден напад поради кој недостапни беа податоците на сите здравствени осигуреници.
