Црна Гора е најскапата дестинација за живеење на Балканот, ако се исклучат Словенија и Хрватска, кои се членки на Европската унија, бидејќи месечните трошоци за четиричлено семејство се проценуваат на 1.917 евра, покажуваат податоците на порталот Нумбео.Според таа страница, Црна Гора е на 85. место меѓу најскапите земји во светот.
За нормален живот на просечното четиричлено семејство му се потребни 1.917 евра месечно, покажуваат податоците на веб-страницата Numbeo. Ова не ги вклучува трошоците за можно изнајмување на имотот.Цените за изнајмување се зголемија за околу 40 отсто од почетокот на конфликтот меѓу Русија и Украина поради приливот на луѓе со поголем капацитет за плаќање.
Цената за изнајмување во Црна Гора моментално се движи од 350 до над 1.500 евра, во зависност од квадратурата и локацијата на која се наоѓа имотот. За живот на поединец во Црна Гора се потребни околу 550 евра месечно, не сметајќи ја цената за изнајмување на имот.
