Новак Ѓоковиќ триумфално го започна настапот на Мастерсот во Рим. Српскиот ас победи во 2. коло над Томаш Ечевери со 7:6, 6:2.
По завршување на натпреварот тој првпат проговори за убиството на децата од основното училиште во Белград.
– Би сакал да им кажам на сите дека најискрено ми е жал. Не сум имал можност до сега да и се обратам на јавноста во врска со овој масакр. Моето најдлабоко сочувство до сите семејства на починатите деца. Јас сум родител на две мали деца и можам само да замислам како се чувствуваат тие родители. Им посакувам сила и љубов, се надевам дека ќе го преболат ова… – низ солзи рече Ѓоковиќ.
