Можеби ќе бидете шокирани кога ќе дознаете дека некои од намирниците што ги консумираме секојдневно содржат алкохол, понекогаш во поголеми количини отколку во пивата со малку алкохол.
Всушност, само една банана може да содржи приближно 0,2 проценти алкохол по волумен (ABV), според Abbeycare, клиника за рехабилитација. Зрелите банани може да имаат двојно повеќе.
Лебот од пченица и ‘ржан содржи помалку од 0,29 проценти ABV, според студијата од 2016 година објавена во Журналот за аналитичка токсикологија.
„За време на процесот на нараснување, квасецот ферментира јаглехидрати и произведува алкохол. Сите ферментирани намирници веројатно содржат траги од алкохол“, вели диететичарот Дуан Мелор од Универзитетот Астон во Бирмингем.
Според Индекс, овошните сокови може да содржат и алкохол. На пример, гореспоменатата студија од 2016 година покажа дека сокот од грозје содржи 0,086 проценти ABV, сок од портокал 0,073 проценти и сок од јаболко 0,026 проценти. Цреша јогурт е 0,02 проценти ABV.
Секоја храна која има помалку од 0,5 проценти ABV се смета за безалкохолна, додека оние со 1,2 проценти ABV се категоризираат како ниско-алкохолни. Затоа споменатите намирници се безалкохолни или нискоалкохолни.
