Биохемичарите го кажаа своето мислење за трендот кој веќе некое време кружи на социјалните мрежи.
Меѓу популарните трендови кои промовираат здрав начин на живот, она што се издвојува е тоа што овошјето и зеленчукот мора да се потопуваат во вода и сода бикарбона пред употреба, но во комбинација со друга состојка која прави голема разлика.
Оваа комбинација на вода, сода бикарбона и оцет наводно ќе ги отстрани сите штетни материи и пестициди од храната, па тие ќе бидат безбедни за употреба.
И додека на социјалните мрежи се споделуваат безброј клипови од овој метод, во желбата да се хранат здраво, многумина не проверуваат дали одреден совет има смисла.
Меѓу оние кои ги отфрлаат сличните митови е Зоран Вујчиќ, редовен професор на Хемискиот факултет во Белград.
Заедно со својата ќерка Сања, која е биохемичар, тој со задоволство го споделува своето знаење на социјалните мрежи, се во желба да ги отфрли заблудите во кои многумина веруваат.
А што вели професорот Вујчиќ на прашањето – дали овошјето и зеленчукот пред употреба се потопуваат во раствор од сода бикарбона и вода?
„Ова може да ја отстрани киселината, која ја нема во овошјето и зеленчукот. Пазете се од тие митови. Сода бикарбона е добра само за вишок киселина“.
Друг мит за сода бикарбона е дека содата што се продава без алуминиум е „поздрава“.
„Сода бикарбона нема алуминиум. Маркетиншки трик е да се наплаќа за непознавање на хемијата“, вели Сања Вујчиќ.
А професорот Зоран Вујчиќ истакнува дека дури и со натопување во мешавина од вода, оцет и сода бикарбона не се отстрануваат никакви штетни материи од површината на овошјето и зеленчукот.
„Заштитата е во восочниот материјал што водата не го навлажнува. Дополнително, опишаната постапка е чиста глупост“.
Професорот додава дека со потопувањето се отстранува калта и нечистотијата што ги носи дождот.
„Ако овошјето е на земја или паднало, дефинитивно се препорачува миење. Ако брзо се расипува, подобро е да не се намокри. Се е познато одамна, освен кога не се почитува периодот на чекање. Тогаш ништо не помага да се отстранат отровите кои се прскале врз зеленчукот или овошјето“, нагласува тој.
Професорот додава и дека има поголема верба во храната која не е декларирана за органска.
„Органик користи пестициди и третмани кои не се толку познати и анализирани. Сè е за да им верувате на овластени тела. Се сеќавам дека хрватските инспекции фатија добавувач кој навечер товареше роба од селани. Наутро таа би станала органска. Патем, каков органски со воздухот што го дишеме денес?“, заклучува професорката, пренесува Нова.рс.
