Туберкулозата сега е најзаразната болест на планетата, надминувајќи ги Ковид-19 и СИДА-та, бидејќи секој ден одзема 4.000 животи, од кои 700 се детски, рече претставникот на Обединетите нации.Врвните функционери на светската организација и лидерите на здравствената индустрија се обидуваат да се справат со алармантен скок на бројот на случаи на туберкулоза, за што придонесува големиот број случаи на оваа болест во воените зони, како што се оние во Украина и Судан.
Врвните функционери на светската организација и лидерите на здравствената индустрија се обидуваат да се справат со алармантен скок на бројот на случаи на туберкулоза, за што придонесува големиот број случаи на оваа болест во воените зони, како што се оние во Украина и Судан.
Според извршниот директор на организацијата „Стоп за туберкулоза“ Луиз Детау, пред пандемијата на Ковид-19, немало драматично зголемување на инциденцата на туберкулоза.
„Но, по Ковид, го забележавме типот на туберкулоза што го гледаме во филмовите, каде што луѓето кашлаат крв, се многу слаби и така натаму“, рече Детау.
Како и Ковид, туберкулозата се пренесува преку воздухот.
Детау рече дека економските последици од Ковид и војните, особено во Украина и сега во Судан, имаат „огромно влијание“ врз напорите за лекување на луѓето кои се заразиле со туберкулоза и дијагностицирање на нови случаи.
Украина има најголем број луѓе за кои се проценува дека имаат туберкулоза во Европа – 34.000, а исто така и најмногу пациенти кои се отпорни на лекови за туберкулоза, изјави Детау за новинарите минатата недела.
