Министерот за надворешни работи на Србија, Ивица Дачиќ, се потпиша во книгата на жалост, која беше отворена во Министерството за надворешни работи по повод трагедијата во основното училиште „Владислав Рибникар“.
„Србија ја погоди трагедија каква што не можеме да се потсетиме. Изгубивме млади животи на училиште, во безбедно пристаниште каде секое дете треба да дојде насмеано, а не исплашено. Додека жалиме за починатите, заедно со нивните семејства и се молиме за побрзо закрепнување на повредените, се обврзуваме да направиме се за да им обезбедиме на нашите деца безгрижно детство и образование. Во тоа да нè обедини нашата посветеност на изгубените млади животи, за никогаш повеќе да не се повтори трагедијата од училиштето „Владислав Рибникар“, напиша меѓу другото шефот на српската дипломатија.
