Поранешниот американски претседател Бил Клинтон изјави дека во 2011 година знаел дека е само прашање на време кога Владимир Путин ќе ја нападне Украина, пишува Фајненшл тајмс.
Весникот наведува дека Клинтон дошол до тој заклучок по дискусија со рускиот претседател во Давос. За време на тој состанок, рече Клинтон, Путин го отфрли договорот постигнат со посредство на САД кој го договори неговиот претходник Борис Елцин за почитување на територијата на Украина во замена за тоа Киев да се откаже од својот нуклеарен арсенал од советската ера.
– Владимир Путин ми кажа во 2011 година, три години пред да го заземе Крим, дека не се согласува со договорот што го направив со Елцин. Тој рече: „Не се согласувам со тоа и не го поддржувам. Не сум обврзан со договорот.“
Тој ден сфатив дека е само прашање на време кога ќе ја нападне Украина, изјави Клинтон.
