Американската пејачка Доџа Кет (27) е видена како пуши електронска цигара на Мет гала, што сигурно ја изнервирало ледената кралица на модниот свет, Ана Винтур, која е позната по тоа што строго забранува пушење на настанот, кој е воедно и најголем моден настан.
Но, и покрај нејзините забрани, пејачката можеше да се види како ужива во својата електронска цигара и како испушта дим на црвениот тепих на гала настанот на „Вог“, кој оваа година беше посветен на починатиот главен дизајнер на „Шанел“, Карл Лагерфелд.
Доџа, чие вистинско име е Амала Ратна Зандиле Дламини, на Мет гала се појави во костим кој потсетува на популарната мачка на Лагерфелд, Шупет. Го привлече вниманието во сребрениот фустан со светки дизајниран од Оскар де ла Рента, притоа носејќи и мачкини уши и нос.
Пејачката минатиот месец изјави дека е без никотин веќе 10 недели и користи само електронски цигари кои содржи водена пареа со вкус. И покрај тоа, Винтур стави до знаење дека пушењето е голем прекршок за оние на нејзиниот список на гости, па прашање е дали Доџа Кет ќе биде поканета на Мет Гала следната година…
Имено, кога Ана Винтур ја прашаа новинарите кој е „најдобриот начин никогаш повеќе да не добиете покана за нејзиниот престижен настан“, таа веднаш одговорила – пушењето. Во минатото, гостите се обидуваа да го прекршат тоа правило криејќи се во бањата, па Винтур го засили обезбедувањето на Мет гала во 2018 година. Меѓутоа, дури и со осигурување, Кол Спроус и Лука Сабат се документираа себеси како пушат во музејски тоалет во 2019 година – а исто така го прекршија правилото за забрана на сликање селфи.
