Се чини дека дел од фамилијата на војвотката Меган сака да биде во центарот на вниманието. Нејзиниот полубрат, Томас Јуниор(56), полусестрата Саманта(58) и таткото Томас(78) снимаат документарец со невидени снимки од нејзиниот живот. Но, документарецот изобилува со негативни коментари уште во самиот трејлер, а еден од полусестрата Саманта гласи, „сè уште би била келнерка да не беше тато“, пишува ДејлиМејл.
На ова полубратот Томас додава:
– Не заминуваме. Ова ќе промени сè.
Полусестрата Саманта откри дека таткото не сакал да го следа документарецот за Хари и Меган бидејќи бил фокусиран на сопственото здравје, а не на „срамниот проект“ на неговата ќерка и зет, кои не ги запознал.
Полубратот и полусестрата на Меган ги опишале нејзината врска со принцот Хари како „токсична“ и „болна“ и ја обвиниле дека лажела дека немала семејство и дека ги заборавила своите роднини. Документарецот треба да открие зошто фамилијата била против тоа Меган да се омажи со Хари. Тој треба да биде прикажан пред крунисувањето на братот на Хари, Вилијам.
Саманта беше активна во февруари, кога побара Хари и Меган да бидат испрашани на суд за наводни „лажни и злонамерни“ изјави кои парот ги дал во своето познато интервју кај Опра Винфри од март, 2021 година.
Поконретно, полусестрата сакаше Меган да признае дека лажела за нејзиниот однос со Саманта и нивното растење, а со цел подобро да му ја продаде на светот приказната за „трнливиот пат до ѕвездите“.
Според Џуди Џемјс пак, професионална толкувачка на говорот на телото, Меган Маркл сакала да има „приврзана“ врска со нејзината сестра. Џуди испитала три фотографии од детството на Меган и Саманта. На едната таа како мало дете е гушната од Саманта, потоа како дете како позира со Саманта и најпосле како тинејџерка заедно со Саманта на нејзиното дипломирање.
Зборувајќи за британски Експерес, Џуди рече:
– Овие слики се чини дека покажуваат влошување на односите на страната на Саманта, а не на страната на Меган.
