Членовите на бендот Бон Џови објавија видео на кое може да се видат Украинци кои се подготвуваат за борба со нивната песна „It’s My Life“, кое набрзо стана вирално.
На видеото се гледаат неколку десетици луѓе на брегот на градот Одеса, кој се наоѓа во јужна Украина. Тие си ги подаваат торбите со песок и потоа ги фрлаат на задниот дел од камионот. Во позадина се слуша „It’s My Life“, додека еден Украинец свири на тапани.
– Ова е за оние кои стојат на своето… Одеса, Украина – напишаа членовите на групата Бон Џови, цитирајќи го стихот „This is for the ones who stood their ground“.
Видеото прв го објави Олександар Шерба, поранешен амбасадор на Украина во Австрија.
– Одеса се подготвува за борба – напиша тој.
Потсетуваме, руските поморски сили вчера гранатираа станбени згради на периферијата на Одеса. Портпаролот на регионалната воена администрација изјави дека нема жртви. Украинскиот пратеник Алексеј Гончаренко, кој моментално се наоѓа во Киев, вчера изјави дека рускиот претседател Владимир Путин ја гледа Одеса како еден од светите градови на Украина, а тoj бил нападнат бидејќи е најголемиот град на Црното Море.
