Мајка од Скопје вчера пријавила во полициска станица дека двајца малолетници, заканувајќи се, извршиле полово дејствие врз нејзиниот малолетен син, соопшти полицијата.
Како што информираше Министерството за внатрешни работи (МВР), двајцата тинејџери-насилници со снимале грозоморниот чин, по што снимката ја испратиле кај неколкумина познаници.
„На 27.04.2023 околу 22.43 часот во Полициската станица Бит Пазар, 39-годишна жена од Скопје пријавила дека на 21.04.2023 двајца малолетници со закана извршиле полово дејствие врз нејзиниот малолетен син, а настанот го снимале, по што видеото го споделиле на неколку лица“, велат од МВР.
