Рускиот министер за надворешни работи Сергеј Лавров денеска беше прашан дали Црноморскиот договор за жито е мртов, но тој одлучи да не одговори на прашањето, пренесува руската новинска агенција ТАСС.
Лавров беше на пат од состанокот на Советот за безбедност на ОН, со кој претседаваше, на состанок со генералниот секретар на ОН Антонио Гутереш, кога новинарка на Ројтерс му постави прашање за договорот за жито. Министерот застана пред новинарката, но само за да ѝ даде комплимент.
– Убав фустан – рече тој.
Се очекува Гутереш и Лавров да разговараат за можноста за продолжување на договорот за жито по 18 мај.
